ՏԵՍԱՆՅՈՒԹ. Հուզմունքս շատ մեծ է, վերապրել եմ նույն զգացումները. զոհված հերոսի հայրը՝ որդուն նվիրված ֆիլմի մասին

«Մոսկվա» կինոթատրոնում երեկ երեկոյան տեղի ունեցավ  ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ Հակոբ Ռոստոմյանին  նվիրված` ռեժիսոր Սամվել Թադեւոսյանի «ՌՈՍՏ» ֆիլմի պրեմիերան։ Ֆիլմը համալրում է «Խոնարհ հերոսներ» ֆիլմաշարը:

Հակոբ Ռոստոմյանի հայրը` ՀՅԴ Երեւանի Քաղաքային կոմիտեության անդամ Արա Ռոստոմյանը, լրագրողների հետ զրույցում ֆիլմի մասին իր տպավորությունները ներկայացրեց: Ասաց՝ տպավորված է, հուզմունքը շատ մեծ է:

«Երբ նշանակվեց ֆիլմի պրեմիերայի օրը, այդ օրվանից սկսած եւ այս վերջին մի քանի օրը, երբ ցուցադրվում էին տեսահոլովակները, ապրումներս վերապրեցի: Ես չեմ կարող ասել՝ հիմա եմ ավելի շատ հուզված, թե այն օրերին, որովհետեւ նույն զգացումներն ապրեցի: Ֆիլմը, կարծում եմ, լավը կլինի, որովհետեւ բոլոր նյութերի հավաքագրմանը անձամբ մասնակցել եմ, Արցախ այցելության ժամանակ ինքս եմ այնտեղից հարցազրույցներ, տեսանկարահանումներ արել»,- ասաց հերոսի հայրը ֆիլմի պրեմիերայից առաջ:

Մանրամասն՝ տեսանյութում

Լ.Ս.

Տե՛ս նաեւ

ՈւՂԻՂ. Տեղի է ունենում ՀՅԴ մարտիկ, 2020 թ․ Արցախյան ազատամարտի նահատակ, ավագ լեյտենանտ ՀԱԿՈԲ ՌՈՍՏՈՄՅԱՆԻՆ նվիրված «ՌՈՍՏ» ֆիլմի պրեմիերան

ՏԵՍԱՆՅՈՒԹ. Մենք պետք է պատերազմի բոլոր հերոսներին փառաբանենք. «Խոնարհ հերոսներ» ֆիլմաշարի ռեժիսոր