Այն մասին, թե ինչու է հայն ընտրում թուրքագետի մասնագիտությունը

Վերջերս Հայաստանում գտնված թուրքական պետական լրատվական գործակալության՝ «Անադոլուի» թղթակիցը, մեր երկրի մասին հրապարակումներ ներկայացնելով, փորձում է սին տպավորություն ստեղծել, թե իբր հայ հասարակությունն ուղղակի «տենչում է թուրքերի հետ բարեկամության»[1]։ Թուրքական պետական այս քարոզչամնեքենան գործում է այն նույն սկզբունքով, որից մշտապես օգտվել են թուրք կեղծարարները․ հարցազրույցների մասնակիցների ասածից ներկայացնել միայն թուրքական կողմին ձեռնտու հատվածը, այն կտրել կոնտեքստից և համապատասխան տպավորություն ապահովել։ Կամ էլ թուրք կեղծարար լրագրողը սահմանափակվում է միայն 1-2 հոգու հետ հարցազրույց անելով և իրեն ձեռնտու հատվածն ընդհանրացնում է ու ասում, թե իբր «բոլոր հայերը» կամ տվյալ ոլորտի «բոլոր ներկայացուցիչներն» են այդպես մտածում․․․