Ռուսաստանը և Բելառուսը սկսել են «Միութենական վճռականություն» համատեղ զորավարժությունները

Փետրվարի 10-ին Բելառուսում մեկնարկել են ռուս-բելառուսական «Միութենական վճռականություն-2022» զորավարժությունները. հինգշաբթի հայտնում է ՌԴ պաշտպանության նախարարությունը։

Զորավարժությունն իրականացվում է պաշտպանական գործողության ընթացքում արտաքին ագրեսիան ճնշելու և հետ մղելու, ինչպես նաև ահաբեկչությանը դիմակայելու և Միութենական պետության շահերը պաշտպանելու խնդիրները մշակելու նպատակով։

Զորավարժություններին, որոնք կտևեն մինչև փետրվարի 20-ը, մասնակցում են ռուսական Արևելյան ռազմական օկրուգի և Բելառուսի Հանրապետության զինված ուժերի պետական կառույցները, ստորաբաժանումներն ու զորամասերը։

Տարբեր զորավարժարաններում մարտական համակարգման շրջանակներում զորքերը մշակել են պաշտպանություն իրականացնելու և անօրինական զինված խմբավորումների դեմ պայքարի հարցեր։

Ռուսաստանը նաև զորավարժություններ է իրականացնում երկրի հարավում` Հարավային ռազմական օկրուգի կողմից: