Ռուսաստանը փակել է Deutsche Welle-ի հեռարձակումը երկրում` ի պատասխան Russia Today-ի արգելմանը Գերմանիայում

Ռուսաստանը որոշել է դադարեցնել գերմանական Deutsche Welle հեռուստառադիոընկերության հեռարձակումն իր տարածքում, փակել գրասենյակը և չեղարկել ռուսական ծառայության բոլոր աշխատակիցների հավատարմագրումները. հինգշաբթի հայտնել է ՌԴ ԱԳՆ-ն։ Սա Գերմանիայում Russia Today DE-ի հեռարձակման արգելքին ի պատասխան ձեռնարկվող միջոցառումների միայն առաջին փուլն է։

Գերմանիայի պետական և հասարակական կառույցների ներկայացուցիչները, որոնք ներգրավված են RT DE-ի շուրջ ստեղծված իրավիճակում, կհայտնվեն սև ցուցակում. նրանց մուտքը Ռուսաստան կարգելվի։

Փետրվարի 2-ին գերմանական ԶԼՄ-ների վերահսկման հանձնաժողովն արգելել է RT DE-ին գերմաներեն ուղիղ հեռարձակումը ինտերնետում, այդ թվում՝ RT News բջջային հավելվածի և արբանյակի միջոցով: Կարգավորողը դա բացատրել է անհրաժեշտ լիցենզիայի բացակայությամբ: