Հեղինակավոր Deutsche Welle-ն բացահայտ ծաղրել է Նիկոլ Փաշինյանին

Հեղինակավոր գերմանական Deutsche Welle լրատվական գործակալության ֆինանսավորմամբ և պատվերով գործող ռուսական «Զապավեդնիկ» սատիրային շոուն, որը համաշխարհային քաղաքական դեմքերի մասնակցությամբ թողարկում է անիմացիոն մուլտֆիլմեր, օրեր առաջ Արցախի հակամարտության վերաբերյալ կնքված (Հայաստանի համար) կապիտուլյացիոն հայտարարության վերաբերյալ նոր տեսահոլովակ է թողարկել։

Ռուսաստանի՝ Արցախի վերաբերյալ որդեգրած քաղաքականությունը ծաղրող անիմացիոն ֆիլմում նաև հայտնվում է ՀՀ վարչապետ Նիկոլ Փաշինյանը, որին, դավաճան որակելով, դուրս են շպրտում պատուհանից։

«Նրա վարկանիշը ընկավ։ Հենց Փաշինյանով ընկավ»,– ասում է ՌԴ ԱԳՆ ղեկավար Սերգեյ Լավրովին մարմնավորող կերպարը։

«Մինուս Փաշինյան. գոնե մի պլյուս կա», – նշում է ՌԴ նախագահ Վլադիմիր Պուտինին մարմնավորող կերպարը։