Տպավորություն էր, որ Փաշինյանն իրեն հազիվ է զսպում, որ չհայտարարի՝ Արցախն Ադրբեջան է, և վերջ. Խամոյան

Նիկոլ Փաշինյանն իր վերջին հարցազրույցներում փորձում է Ալիևի և Էրդողանի փաստաբանի ֆունկցիա կատարել։ Ասում է բաներ, որոնք, մեղմ ասած, աղերս չունեն իրականության հետ: Այս մասին ԱԺ խմբակցությունների ճեպազրույցների ժամանակ ասաց «Հայաստան» խմբակցության պատգամավոր Ագնեսա Խամոյանը։

«Փաշինյանն ասում է, որ հիմա Ալիևն իրեն պահում է այնպես, ինչպես ՀՀ ղեկավարությունը 1994-ից հետո, իսկապե՞ս մենք այդպես հոխորտացել ենք պաշտոնական մակարդակով: Նա այսպես նորից փորձում է փափուկ բարձ դնել հայ ժողովրդի գլխի տակ, դե իբր լուրջ մի ընդունեք Ալիևի հայտարարությունները»,-ասաց նա:

Պատգամավորն ընթերցեց նաև  ՀՀ Գերագույն խորհրդի՝ 1992 թվականի որոշումը, որում նշված է, որ ՀՀ-ի համար անընդունելի է միջազգային ցանկացած փաստաթուղթ, որում ԼՂՀ-ն նշված կլինի Ադրբեջանի կազմում: