ՀՐԱՊԱՐԱԿ. Ժամանակավորապես զսպում են "ախորժակները"

Ազգային ժողովի նախագահ Հովիկ Աբրահամյանի եւ Անահիտ Թարխանյանի ղեկավարած «Ա-3 ճարտարապետներ» ընկերության միջեւ վեճը կարող է հարթվել առանց դատարանի միջամտության:

ԱԺ մեր աղբյուրների փոխանցմամբ` Հովիկ Աբրահամյանն իր պատվիրակների միջոցով որոշել է այնպես անել, որ բանը չհասնի դատ ու դատաստանի: Այժմ փորձում են բանակցություննրի միջոցով երկուստեք ընդունելի լուծման շուրջ համաձայնության գալ:

Հիշեցնենք, որ ԱԺ վերանորոգված դահլիճը նախագծելու համար ԱԺ աշխատակազմը ճարտարապետներին չի վճարել 15 մլն դրամ, ինչը գրանցված է եղել դահլիճի վերանորոգման նախահաշիվներում: Արգամիչը հորդորել է ավարտել աշխատանքը եւ խոստացել հետագայում վճարել, սակայն խոստումնազանց է եղել:

Կազմակերպությունն էլ պատրաստվում է իրավական ճանապարհով ստանալ  իրեն հասանելիքը: Հայցն արդեն պատրաստ է, սակայն դատարան մտնելուն խանգարել են վերը նշված բանակցությունները:

Հովիկ Աբրահամյանը նպատակահարմար չի գտնում, որ այս խառը ժամանակներում «շահարկման» նոր թեմա ծագի եւ այն իր «ռեյտինգի» վրա բացասաբար անդրադառնա: