ԵՄ-ին անդամակցությունը Թուրքիայի համար շարունակում է մնալ ռազմավարական առաջնահերթություն. Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Թուրքիայի անդամակցությունը ԵՄ-ին մնում է Անկարայի առաջնահերթությունը և կոչ է արել դաշինքին՝ ավելի համարձակ դիրքորոշում ցուցաբերել երկկողմ հարաբերությունները բարելավելու ջանքերում:

Հինգշաբթի ելույթ ունենալով մայրաքաղաք Անկարայում ԵՄ դեսպանների հետ հանդիպման ժամանակ` Էրդողանն ասել է, որ անձամբ ականատես է եղել ԵՄ-ին Թուրքիայի անդամակցությունը արգելափակելու ջանքերին. նշում է Sabah-ը:

«Թուրքիան, որն աշխարհագրորեն և պատմականորեն Եվրոպայի մաս է, հավատարիմ է անդամ դառնալու՝ իր նպատակին»,- ասել է թուրք նախագահը` հավելելով, որ անդամակցությունն Անկարայի համար առաջնահերթություն է` չնայած բոլոր «անարդարություններին»:

Էրդողանը նշել է, որ Թուրքիան շարունակում է ջանքեր գործադրել, և հավելել է, որ հույս ունի՝ դաշինքը կհրաժարվի «ռազմավարական կուրությունից» և ավելի համարձակ կգործի Անկարայի հետ հարաբերությունները զարգացնելու հարցում։