Թուրքական լիրայի անկումը վնասում է Ադրբեջանի տնտեսությանը

Թուրքական լիրայի անկումը վնասում է Ադրբեջանի տնտեսությանը. @AzeSputnik-ին ասել է ռուսական Սոցիալական և տնտեսական հետազոտությունների ինստիտուտի տնօրեն Ալեքսեյ Զուբեցը։

Ըստ նրա՝ Էրդողանը թուրքական լիրայի արժեզրկման քաղաքականություն է վարում, որպեսզի ավելացնի արտահանումն այլ երկրներ։ Միաժամանակ, Թուրքիայի Ազգային բանկի վերաֆինանսավորման տոկոսադրույքի նվազումը բնակչությանը էժան վարկեր է ապահովում: Ցածր փոխարժեքը գրավում է զբոսաշրջիկներին, քանի որ նվազեցնում են օտարերկրացիների հանգստի ծախսերը. արդյունքում՝ Ադրբեջանի բիզնեսը կորցնում է իր հաճախորդներին, քանի որ մարդիկ գնումներ են կատարում Թուրքիայում։

«Ժամանակի ընթացքում Բաքուն ստիպված կլինի սահմանել Թուրքիայից անձնական ապրանքների ներմուծման քվոտաներ, որպեսզի սահմանափակի այն ապրանքների քանակը, որոնք դուրս կմղեն ադրբեջանական արտադրանքը»,- ասել է Զուբեցը։