Apple-ը վերսկսել է Թուրքիայում վաճառքը, բայց` թանկացրել արտադրանքը 25%-ով՝ լիրայի անկման պատճառով

Apple-ը վերսկսել է իր ապրանքների առցանց վաճառքը Թուրքիայում, որը նախկինում դադարեցվել էր լիրայի անկման պատճառով, սակայն թանկացրել էր դրա գները մոտ 25%-ով։

Այսպես, օրինակ, եթե նախկինում iPhone 13-ը վաճառվում էր 11999 լիրայով, ապա այժմ դրա գինը բարձրացել է մինչև 14999 լիրա։ iPhone 13 Pro-ի գինը 15999-ից դարձել է 19999 լիրա։

Թուրքական արժույթը մեկ տարվա ընթացքում էժանացել է ավելի քան 40%-ով, իսկ երեքշաբթի օրը նոր հակառեկորդ է սահմանվել՝ մեկ դոլարի դիմաց 11,37 լիրայից իջնելով 13,21 լիրայի։ Օրական նման կտրուկ անկումը առավելագույնն է վերջին 20 տարիների ընթացքում։ Դա տեղի ունեցավ այն բանից հետո, երբ անցած հինգշաբթի Թուրքիայի կենտրոնական բանկը որոշեց իջեցնել զեղչման տոկոսադրույքը 16%-ից մինչև 15%, իսկ երկուշաբթի Թուրքիայի նախագահ Թայիփ Էրդողանը հեռուստատեսային ուղերձում կրկին հանդես եկավ զեղչման տոկոսադրույքի իջեցման օգտին։