Կովիդի դեմ հաբերը 90 տոկոսով արդյունավետ են ռիսկային խմբերի համար. Pfizer

Pfizer ընկերության Covid հաբերը 90%-ով արդյունավետ են բարձր ռիսկային հիվանդների դեպքում։

Guardian-ի հաղորդմամբ՝ ընկերությունը հրապարակել է հակավիրուսային դեղամիջոցների արդյունավետության վերաբերյալ հետազոտության արդյունքները, որոնց համաձայն՝ բարձր ռիսկային հիվանդների շրջանում դեղը խոստումնալից արդյունքներ է ցույց տալիս։ Ուսումնասիրվել է նաև դեղամիջոցի արդյունավետությունը նոր Omicron շտամի դեմ․ դեղը բարձր արդյունավետություն է դրսևորել նաև այստեղ։

Ամերիկա-գերմանական դեղագործական ընկերությունը նույնպես անցյալ ամիս հրապարակել է ուսումնասիրության արդյունքները։ Այն ժամանակ հաղորդվում էր, որ դեղամիջոցը, պլացեբո ստացած խմբի համեմատ, 89%-ով նվազեցրել է հոսպիտալացումները և մահացության մակարդակը: Հետազոտությանը մասնակցել է 1200 մարդ։

Ընկերությունը նաև նշում է, որ դեղամիջոցն ընդունած հետազոտության մասնակիցներից և ոչ մեկը չի մահացել։ Պլացեբո խմբից տասներկու մարդ մահացել է:

Ընկերությունը նաև հրապարակել է երկրորդ կլինիկական փորձարկման նախնական արդյունքները, որոնք ցույց են տվել, որ դեղամիջոցը միջին ռիսկի 600 չափահասների շրջանում 70%-ով նվազեցրել է հոսպիտալացումները:

The Guardian-ը նշում է, որ ներկայումս Covid-19-ի համար հաստատված ներբերանային ընդունման հակավիրուսային դեղամիջոցներ չկան: