ԱՄՆ-ը ստիպված է եղել համոզել իր դաշնակիցներին, որ ՌԴ-ն նախապատրաստվում է «ներխուժել» Ուկրաինա

ԱՄՆ-ը ՆԱՏՕ-ի և ԵՄ որոշ երկրներին տրամադրել է տվյալներ Ուկրաինա «ներխուժման» Ռուսաստանի նախապատրաստության մասին, քանի որ որոշ դաշնակիցներ չէին վստահում Վաշինգտոնի նման հայտարարություններին։ Այս մասին գրում է Financial Times-ը՝ վկայակոչելով աղբյուրները։

Հոդվածում ասվում է, որ որոշ երկրներին համոզելու համար ԱՄՆ-ն օգտագործել է դիվանագիտական «փոխգործակցությունը» և տարածել իր հետախուզական տեղեկատվությունը. հայտնում է «ՌԻԱ Նովոստին»։

Աղբյուրներից մեկի համաձայն՝ ԱՄՆ դաշնակիցներից շատերը «վստահ չէին, որ ինչ-որ լուրջ բան է կատարվում»։

Ավելի վաղ ԱՄՆ պետքարտուղար Էնթոնի Բլինկենը հայտարարել էր, որ Ռուսաստանի կողմից Ուկրաինայի համար «շատ լուրջ վտանգ կա»։

Ռուսաստանի արտաքին գործերի նախարար Սերգեյ Լավրովը հայտարարել է, որ Ռուսաստանը շահագրգռված է միավորել ջանքերը ԱՄՆ-ի հետ՝ ուկրաինական ճգնաժամի կարգավորման համար։

Ռուսաստանի նախագահի օգնական Յուրի Ուշակովը, մեկնաբանելով Ռուսաստանի կողմից ենթադրյալ էսկալացիայի հնարավորության մասին Կիևի հայտարարությունները, ասել է, որ ռուսական կողմն իրավունք ունի զորքեր տեղափոխել իր տարածք, և «ոչ մի էսկալացիա մասին խոսք չկա»։