Պատերազմի ժամանակ մշակութային արժեքներ ոչնչացնող Ադրբեջանը ընտրվել է ՅՈՒՆԵՍԿՕ-ի Պատերազմի դեպքում մշակութային արժեքների պաշտպանության կոմիտեի անդամ

2021 թվականի նոյեմբերի 30-ից դեկտեմբերի 1-ը կայացել է «Զինված ընդհարման դեպքում մշակութային արժեքների պաշտպանության մասին» 1954 թվականի Հաագայի կոնվենցիայի երկրորդ արձանագրության մասնակից պետությունների 9-րդ հանդիպումը։

Ադրբեջանի ԱԳՆ-ն տեղեկացնում է, որ 2021 թվականի նոյեմբերի 30-ին կայացած հանդիպման շրջանակներում տեղի են ունեցել ՅՈՒՆԵՍԿՕ-ի Զինված ընդհարման դեպքում մշակութային արժեքների պաշտպանության կոմիտեի ընտրությունները։

Կոմիտեի անդամ է առաջադրվել Արցախյան պատերազմում և դրանից հետո Արցախի մշակութային արժեքները ոչնչացրած և ոչնչացնող Ադրբեջանի Հանրապետությունը, որն առաջիկա 4 տարի ժամկետով ընտրվել է հանձնաժողովի անդամ՝ քվեարկությանը մասնակցող պետությունների բացարձակ մեծամասնության աջակցությամբ։