Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Երեկ Փարիզում ՅՈՒՆԵՍԿՕ-ի 36-րդ Գլխավոր համաժողովում ձայների 107 կողմ, 14 դեմ, 52 ձեռնպահ հարաբերակցությամբ Պաղեստինը ընդգրկվել է կազմակերպությունում` որպես 195-րդ անդամ պետություն:
ՄԱԿ-ի կրթության, գիտության եւ մշակույթի կազմակերպության (ՅՈՒՆԵՍԿՕ) հրապարակած պաշտոնական տվյալների համաձայն` Հայաստանը կողմ է քվեարկել Պաղեստինին կազմակերպության անդամի կարգավիճակ շնորհելուն։ Տարածաշրջանային երկրներից կողմ են քվեարկել նաեւ Թուրքիան, Իրանը եւ Ադրբեջանը, մինչդեռ Վրաստանը ձեռնպահ է մնացել. հաղորդում է «Ազատություն» ռադիոկայանը:
ԱՄՆ կառավարությունը, ի պատասխան Պաղեստինին անդամի կարգավիճակ շնորհելուն, դադարեցրել է ՅՈՒՆԵՍԿՕ-ի ֆինանսավորումը:
Իսրայելը, Գերմանիան, Նիդերլանդները, Շվեդիան եւ ԱՄՆ-ը դեմ քվեարկող երկրներից են:
Հիշեցնենք, որ ԱՄՆ կառավարույունը տարեկան ավելի քան 70 մլն դոլար է նվիրաբերում UNESCO-ին, որը կազմում է կազմակերպության ընդհանուր բյուջեի շուրջ 1/4։ Այս քայլից հետո UNESCO-ի գումարների զգալի մասը՝ ավելի քան 60 մլն դոլար ԱՄՆ կառավարությունը չի փոխանցի։