«Սեւրի սինդրոմը Թուրքիայում» խորագրով սեմինար Արեւմտահայոց հարցերի ուսումնասիրության կենտրոնում

Սույն թվականի նոյեմբերի 30-ին, ժամը 16։00-ին Արեւմտահայոց հարցերի ուսումնասիրության կենտրոն գիտահետազոտական հիմնադրամում կկազմակերպվի սեմինար՝ «Սեւրի սինդրոմը Թուրքիայում» խորագրով։ Սեմինարի գլխավոր բանախոսը կլինի թուրքագետ, պատմական գիտությունների թեկնածու, դոցենտ Լեւոն Հովսեփյանը։

Այդ մասին հաղորդում է Akunq.net-ը։

Աղբյուրի փոխանցմամբ՝ սեմինարը նվիրված կլինի Վիլսոնի իրավարար վճռի ընդունման 101-ամյակին։ Բանախոսը կանդրադառնա այն հասարակական-հոգեբանական դրսևորմանը Թուրքիայում, որը մեկ ընդհանուր բնորոշմամբ կոչվում է «Սեւրի համախտանիշ» և կպատասխանի այդ թեմայով մասնակիցների հարցերին։

Մուտքն ազատ է․ հրավիրում ենք բոլոր ցանկացողներին։

Ամսաթիվ` 2021 թ. նոյեմբերի 30, ժամը 16։00։

Հասցե` Գյուլբենկյան 38 (ՀՅԴ Արամ Մանուկյանի անվան երիտասարդական կենտրոն), 5-րդ հարկ։

Akunq.net