ԱՄՆ պետդեպը հայտարարել է Ս-400-ների պատճառով Թուրքիայի՝ պատժամիջոցների տակ ընկնելու աճող ռիսկի մասին

ԱՄՆ պետքարտուղարի քաղաքական հարցերով օգնական Քլարկ Քուփերը հայտարարել է, որ մեծանում է ԱՄՆ-ի պատժամիջոցների տակ ընկնելու՝ Թուրքիայի ռիսկը`կապված ռուսական Ս-400 հակաօդային համակարգերի գնման հետ. գրում է ամերիկյան National Defence ամսագիրը:

«Մեր թուրք գործընկերների հետ մշտական զրույցն այն էր, որ Ս-400-ներն անհամատեղելի են ԱՄՆ պլատֆորմների հետ, դրանք անհամատեղելի են ՆԱՏՕ-ի հետ: Նման միջոցների կամ համակարգերի ներդրումը ենթադրում է պատժամիջոցների և սահմանափակումների լրացուցիչ ռիսկ», - նշում է Քուփերը:

Ըստ նրա՝ ԱՄՆ վարչակազմը «Անկարային հասկացրել է, որ Ս-400-ի փորձարկումը բացարձակապես անընդունելի է»: