Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Թուրքիայի ազգային պաշտպանության նախարար Հուլուսի Աքարը հայտարարել է ԱՄՆ-ից F-16 կործանիչների գնման ընթացակարգի մեկնարկի մասին։
«F-16-ի ձեռք բերման տեխնիկական աշխատանքները սկսվել են, մենք հետևում ենք այդ գործընթացին: Թուրքիայի ուժեղացումը նշանակում է նաև ՆԱՏՕ-ի հզորացում»,- նրա խոսքն է մեջբերում Anadolu-ն։
ԱՄՆ-ը, փորձելով ճնշում գործադրել Թուրքիայի վրա Ռուսաստանից Ս-400 զենիթահրթիռային համակարգեր ձեռք բերելուց հետո, հրաժարվել է 2019 թվականին այս երկրին հինգերորդ սերնդի F-35 ինքնաթիռներ մատակարարել։ Սակայն դա տվել է հակառակ արդյունքը՝ վերջերս պարբերաբար տեղեկություններ են հայտնվում, որ Անկարան դիտարկում է Մոսկվայից նոր սերնդի ինքնաթիռներ գնելու հնարավորությունը։
Ավելի վաղ Թուրքիայի պաշտպանական արդյունաբերության վարչության ղեկավար Իսմայիլ Դեմիրը հայտարարել էր, որ հանրապետությունը դեռ պատրաստ է դիտարկել ռուսական Սու-35 և Սու-57 ինքնաթիռներ ձեռք բերելու հնարավորությունը, եթե Անկարան համաձայնության չգա Վաշինգտոնի հետ ամերիկյան կործանիչների մատակարարման հարցում։