կարևոր
4636 դիտում, 1 տարի առաջ - 2022-12-13 11:55
Տարածաշրջան Արցախ

Ադրբեջանը Լեռնային Ղարաբաղում ցեղասպանություն իրականացնելու նպատակ է հետապնդում. իրանցի փորձագետ

Ադրբեջանը Լեռնային Ղարաբաղում ցեղասպանություն իրականացնելու նպատակ է հետապնդում. իրանցի փորձագետ

Ադրբեջանն առաջիկա օրերին կարող է սաստկացնել ռազմական սադրանքները Լեռնային Ղարաբաղում. այս կարծիքն է հայտնել իրանցի փորձագետ Էհսան Մովահեդիանը ILNA-ին տված հարցազրույցում։

Փորձագետը կարծում է, որ Ադրբեջանի կողմից Լաչինի միջանցքի փակումը Լեռնային Ղարաբաղում ցեղասպանություն իրականացնելու նպատակ է հետապնդում։ Մյուս պատճառը, ըստ Մովահեդիանի, Լաչինի միջանցքում ոսկու հանքավայրերն են։ Նա համոզված է, որ Բաքուն մտադիր է գրավել միջանցքը և այնտեղից դուրս մղել ռուս խաղաղապահներին, որպեսզի բրիտանական ընկերությունները կարողանան շահագործել այդ հանքերը:

«Իրավիճակը ճգնաժամային է. Իրանը դիվանագիտական ​​մակարդակով պետք է ավելի ակտիվ լինի: Նաև մեր զինվորականները պետք է զգուշացնեն Բաքվին տարածաշրջանում արկածախնդրությունից և զգուշացումներ ուղարկեն նրանց։ Մենք պետք է ակտիվացնենք մեր տեղեկատվական գործունեությունը և լուսաբանենք Ադրբեջանի գործողությունները»,- ասել է Մովահեդիանը։