Իրանցի բլոգերին ազատ են արձակել

Իրանցի հայտնի դերասանուհի եւ բլոգեր Պեգահ Ահանգարանին, ով ձերբակալվել էր հունիսի սկզբին, 58 հազար եվրո գրավի դիմաց ազատ է արձակվել:

Ինչպես տեղեկացնում է Gazeta.ru-ն, Իրանի իշխանությունները արգելել էին նրան գրառումներ անել Deutsche Welle-ի համար:

Պեգախ Ահանգարանին, որվ հայտնի է իր ընդդիմադիր կեցվածքով եւ հայացքներով, համագործակցում է Deutsche Welle լրատվական ընկերության հետ արդեն մի քանի տարի: 2011-ի հունիսին նա պատրաստվում էր մեկնել Գերմանիա, որպեսզի բլոգում ներկայացնի իր տպավորությունները Գերմանիայում անցկացվող ֆուտբոլի կանանց առաջնության մասին, սակայն Իրանի իշխանությունները նրան արգելեցին մեկնել, իսկ ավելի ուշ ձերբակալեցին` առանց որեւէ հիմնավորման:

Լրատվական ընկերության ղեկավարները կարծում են, որ բլոգերի ձերբակալությունը ոչ միայն արտահայտում է Իրանի իշխանությունների` կանանց ֆուտբոլի դեմ լինելը, այլեւ այն, որ նրանք դեմ են Պեգահ Ահանգարանի եւ Deutsche Welle-ի համագործակցությանը: