Թեհրանը փակել է իր օդը Ադրբեջանի ռազմական ավիացիայի համար. ադրբեջանական ԶԼՄ-ներ

Իրանի կառավարությունը պաշտոնական ռազմական ուղիներով ծանուցում է ուղարկել Ադրբեջանի պաշտպանության նախարարության ղեկավարությանը: Ըստ haqqin.az-ի՝ Իրանը փակել է իր օդային տարածքը Ադրբեջանի օդուժի համար, որը ռազմական մատակարարումներ էր իրականացվում Նախիջևանի Ինքնավար Հանրապետություն:

Նշվում է, որ Բաքուն պաշտոնական Թեհրանի այս որոշումը համարել է հերթական դավաճանությունն ընդդեմ Ադրբեջանի, որն ընդունվել է Հայաստանի կառավարության դրդմամբ:

Ադրբեջանական կայքն ընդգծել է, որ Իրանն ակտիվորեն օգտագործում է Ադրբեջանի տարածքը՝ որպես տարանցիկ ուղի հիմնական փոխադրումների իրականացման համար.  խոսքն առաջին հերթին Հյուսիս-հարավ տրանսպորտային միջանցքի մասին է:

«Իրանի դավաճանությունը շոշափելի վնաս չի պատճառի Ադրբեջանին, քանի որ Նախիջևանի Ինքնավար Հանրապետությունում տեղակայված զորամասերի մատակարարման հարցում Ադրբեջանի ռազմական գերատեսչությունը նախընտրություն էր տալիս այլ երթուղիների: Այնուամենայնիվ, Թեհրանի այս քաղաքական որոշումը Բաքվին դրդում է միանշանակ եզրակացությունների Իրանի կառավարության արտաքին քաղաքականության ուղենիշների վերաբերյալ»,- ասվում է ուղերձում: