Բայդենը պետք է ապաշրջափակի Իրանի 10 մլրդ դոլարը, որպեսզի ցույց տա իր լրջությունը. Իրանի ԱԳՆ

ԱՄՆ նախագահը պետք է ազատի արգելափակված 10 մլրդ դոլար իրանական փողերը, որպեսզի ցույց տա իր լրջությունը․ անդրադառնալով ԳՀՀԾ-ի (JCPOA) վերաբերյալ հարցին՝  ասել է Իրանի արտգործնախարար Հուսեյն Ամիր Աբդուլլահիանը։

Նա ելույթում հայտնել է Արևմուտքի առաջարկած «Պլան Բ»-ի մասին. «Բանակցություններում Թեհրանի համար կարևոր է ստուգել, թե ինչ մտադրությամբ և կամքով է մյուս կողմը նստել բանակցությունների սեղանի շուրջը, ուստի ավելի լավ է, եթե Արևմուտքը ծրագրեր ներկայացնելու փոխարեն կատարի ազնիվ գործողություններ, որպեսզի Իրանը հավատա, որ ինքը կկարողանա օգուտ քաղել ԳՀՀԾ-ից»:

Նա պարզաբանել է. «Ամերիկացիները ցանկանում են ամեն գնով Իրանին հայտարարել, որ նա պետք է վերադառնա ԳՀՀԾ-ին, այն դեպքում, երբ իրենք չեն ցանկանում ազատել 10 մլրդ դոլարը, որը պատկանում է իրանցի ժողովրդին»։