Իրաքն ակնկալում է ձեռք բերել ռուսական Ս-300 ՀՕՊ համակարգեր

Իրաքը Ռուսաստանի հետ քննարկում է Ս-300 զենիթահրթիռային համալիրներ ձեռք բերելու հնարավորությունը. հաղորդում է INA գործակալությունը՝ վկայակոչելով երկրի անվտանգության և պաշտպանության խորհրդարանական հանձնաժողովի ղեկավար Մոհամմադ ալ Հայդարի հայտարարությունը:

«ՀՕՊ զորքերի հրամանատարի գլխավորած իրաքյան պատվիրակությունը այցելել է Ռուսաստան՝ քննարկելու Ս-300 ՀՕՊ համակարգերի ձեռք բերման պայմանագիրը»,- ալ Հայդարի հայտարարությունից մի հատված է մեջբերում INA-ն:

Նա միաժամանակ նշում է, որ այս պահին «այս թեմայի քննարկումը կասեցված է»:

Ալ Հայդարը շեշտել է, որ «Իրաքն արդեն պայմանագրեր ունի Ռուսաստանի հետ զրահապատ բրիգադի վերազինման համար», ապա՝ հավելել, որ «իրաքցիները ռուսական զենքի, հատկապես՝ զրահատեխնիկայի օգտագործման փորձ ունեն»: