Այս պահին Երևանում sett-weather
Փոխարժեքներ 21 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-09-21 17:50
Քաղաքական

Ներկա ողբերգությունը մեզ ուժեղացնելու է` իբրև պետություն և հասարակություն ապագայի հարվածներն առավել լավ դիմագրավելու և այլևս չսխալվելու համար․ Գևորգ Ղուկասյան

Ներկա ողբերգությունը մեզ ուժեղացնելու է` իբրև պետություն և հասարակություն ապագայի հարվածներն առավել լավ դիմագրավելու և այլևս չսխալվելու համար․ Գևորգ Ղուկասյան
 Հայաստանի Հանրապետության անկախության այս հոբելյանին անկախության արժեքն ամենաշատն ենք զգում, որովհետև այն, առավել քան երբևէ վտանգված է։ Այս մասին գրել է ՀՅԴ Հայ Դատի Կենտրոնական խորհրդի հատուկ ծրագրերի պատասխանատու Գևորգ Ղուկասյանը։
 
«Անկախության 30-ամյակը նշում ենք անկախության մեծագույն ձեռքբերման՝ մեր լինելիություն-Արցախի մեծ մասի կորստի, պարտության, հազարավոր զոհերի, տասյնակ գերիների, մեր երկրի սահմաններն ամեն օր ոտնձգող թշնամու ներկայության, ապագայի հանդեպ խիստ անորոշության պարագայում։
Սակայն սուգը հավերժ է, եթե չկա պայքար։ Առավել քան երբևէ՝ հանձնվելու, նահանջելու, մեր պետականությունից հրաժարվելու իրավունք չունենք։ Վերջին շուրջ 100 տարում, և դրանից էլ առաջ Հայաստանի անկախության զոհասեղանին իրենց կյանքը դրած մեր տասնյակ հազարավոր հայրենակիցներ մեզանից դա են պահանջում։
Այդ պայքարի ճանապարհին Հայաստանի անկախությունը մսխած, պետության ազգային հիմները խարխլած, մեր ինքնության և եկեղեցու դեմ արշաված իշխանությունն իր էությամբ իսկ խոչընդոտ է, որից պետք է ձերբազատվել։
Միաժամանակ մեր ժողովրդի ու պետության կարող անձինք և կազմակերպությունները պիտի աշխատեն՝ հնարավորինս ուժեղացնելու մեր պետությունը, կանխելու ժողովրդի հիասթափությունն ու հետևողական աշխատանքով վերականգնելու մեր պետության երբեմնի ուժը, համբավն ու հաղթանակությունը։
Առավել քան վստահ եմ՝ մենք պատշաճ կերպով դեռ տոնելու ենք այս կարևորագույն տոնը, իսկ ներկա ողբերգությունը մեզ ուժեղացնելու է ապագայի հարվեծներին իբրև պետություն և հասարակություն առավել լավ դիմագրավելու և այլևս չսխալվելու համար։
Շնորհավոր բոլորիս տոնը»,- գրել է նա։
բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը