Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-05-29 20:36
Հասարակություն

Պատասխանատու քաղաքացի, ներառական հասարակություն, ազգային ուժեղ պետություն. ՀՅԴ ՀԳՄ և «Հայաստան» դաշինքի ներկայացուցիչ Իշխան Սաղաթելյանի ելույթը՝ «Հայաստան» դաշինքի նախընտրական ծրագրի եւ թիմի ներկայացման հանդիսավոր միջոցառմանը

Մենք գիտենք խնդիրները, այդ խնդիրները լուծելու ճանապարհը: Մենք ունենք թիմ, փորձառություն՝ դրանք լուծելու համար: Մենք նոր որակի ազգային պետության երաշխավորն ենք: Ստեղծված իրավիճակում արմատական եւ վճռական գործողությունների անհրաժեշտություն կա: Մեր պետականության եւ ինքնիշխանության հետագա կորուստները հնարավոր է հաղթահարելմիայն միասնական, ազգային-պետական քաղաքականությամբ, դրանք իրականացնելու վճռականությամբ,-իր ելույթում, ըստ Yerkir.am-ի, նշեց ՀՅԴ ԳՄ ներկայացուցիչ, «Հայաստան» դաշինքի ներկայացուցիչ Իշխան Սաղաթելյանը:

Նրա խոսքով՝ բոլոր քայլերի հիմքում, իբրեւ առաջնահերթություն, ազգային պառակտվածության հաղթահարումն ու ատելության մթնոլորտի բացառումն են լինելու:

«Մենք ընտրում ենք համերաշխ եւ ազգային Հայաստանը: վերականգնելու ենք համերաշխության եւ երկխոսության կենսական մթնոլորտը, որպեսզի միասին, ազգային շահերի շուրջ համախմբված, կարողանանք կռուցել ուժեղ Հայաստան; Ազգային միասնականության օրվա հրամայականն է: Միայն այդպես է հնարավոր ապահովել Հայաստանի բնականոն զարգացումը, տարածքային ամբողջականությունը, ինքնիշխանությունը, սահմանադրական կարգը, արժանապատիվ խաղաղությունն ու մեր ինքնությունը»,-իր ելույթում նշեց Իշխան Սաղաթելյանը:

Իշխան Սաղաթելյանի խոսքով՝ այս խառը իրավիճակում Հայաստանի եւ Սփյուռքի քաղաքական, ֆինանսական եւ մտավոր ներուժի համախմբումը բացառիկ անհրաժեշտություն է: Այն պետք է արդյունավետ իրացվի տնտեսական, սոցիալական, մշակութային, կրթական զարգացման բոլոր ուղղություններին համապատասխան: «Չկա հայություն առանց Հայաստան։ Այդ իմաստով Հայաստան-Արցախ-Սփյուռք եռամիասնության շրջանակում ձևավորելու ենք ամբողջական օրակարգ։ Վերականգնելու ենք Հայաստանի հանդեպ Սփյուռքի վստահությունը, այդ թվում՝ բացառելու ենք «Հայաստան համահայկական հիմնադրամի» միջոցների ոչ կանոնադրային օգտագործումը։ Հայաստանը լինելու է սոցիալական արդարության և բարեկեցության երկիր»,-նշեց ՀՅԴ ԳՄ ներկայացուցիչ, «Հայաստան» դաշինքի ներկայացուցիչ Իշխան Սաղաթելյանը։

Մանրամասները՝ տեսանյութում:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը