Քաղաքացիների նկատմամբ ուժ կիրառելու փոխարեն՝ հիմա պիտի Գորիս-Կապան ճանապարհին անվտանգություն ապահովեին. Գևորգ Պետրոսյան

Երևանի Շառլ Ազնավուրի հրապարակում հավաքված են մնում Փաշինյանի ազդարարած «գունագեղ» տոնակատարության դեմ բողոքի ակցիա անող այն քաղաքացիները, որոնց ոստիկանները դեռ չեն հասցրել բերման ենթարկել։

Ակցիային միացավ նաև նախկին պատգամավոր Գևորգ Պետրոսյանը։

«Բերման ենթարկելու հիմքերը սպառիչ սահմանված են Քրեական դատավարության օրենսգրքով, և որևէ ոստիկան չի պատասխանում իմ հարցին, թե ինչի համար են քաղաքացիներին տանում։ Մինչդեռ եթե ոստիկանությունը գործում է օրենքի շրջանակում, պարտավոր է ներկայացնել, թե ինչու են քաղաքացիների նկատմամբ ֆիզիկական ուժ կիրառում։ Որևէ ոստիկան իմ այդ հարցին չպատասխանեց։ Սա բացարձակ ապօրինություն է ոստիկանության կողմից, ոստիկանությունը ակնհայտորեն խախտում է մարդու իրավունքները», - ասաց նա։