Պուտինը և Ասադը բանակցություններ են վարել Կրեմլում

Ռուսաստանի և Սիրիայի նախագահներ Վլադիմիր Պուտինը և Բաշար Ասադը հանդիպել են Մոսկվայում. հայտնում ՏԱՍՍ-ը: Ասադը Մոսկվա է ժամանել չնախատեսված այցով:

«Ես շատ ուրախ եմ, որ կրկին ողջունում եմ Ձեզ Մոսկվայում: Եվ առաջին հերթին ուզում եմ շնորհավորել Ձեզ ծննդյան օրվա կապակցությամբ: Եվ, իհարկե, այս անգամ՝ անձնական ձևաչափով՝ նախագահական ընտրությունների շատ լավ արդյունքով»,- ասել է ՌԴ նախագահը:

Հանդիպման ընթացքում Պուտինը նշել է, որ Սիրիայի նախագահը շատ բան է անում քաղաքական հակառակորդների հետ երկխոսություն հաստատելու համար: Ռուսաստանի նախագահը նաև խնդիր է համարել Սիրիայում օտարերկրյա զորքերի առկայությունը՝ առանց երկրի իշխանությունների թույլտվության: Երկրի ղեկավարը նաև հույս է հայտնել, որ համատեղ ջանքերով հնարավոր կլինի օգնել սիրիացի ժողովրդին՝ «ոտքի կանգնել»:

ՌԴ նախագահը նաև նշել է, որ ընտրությունների արդյունքները ցույց տվեցին մարդկանց վստահության առկայությունը: Իր հերթին, Սիրիայի նախագահը ռուսերեն շնորհակալություն է հայտնել Պուտինին: