Տոկաևը ողջունել է Երևանի և Բաքվի համաձայնությունը՝ Ալմաթիում արտգործնախարարների մակարդակով բանակցություններ վարել

Ղազախստանի նախագահ Կասիմ-Ժոմարտ Տոկաևն ասել է, որ ողջունում է Ալմաթիում արտգործնախարարների մակարդակով բանակցություններ վարելու Ադրբեջանի և Հայաստանի համաձայնությունը։

«Ես ողջունում եմ Ադրբեջանի Հանրապետության և Հայաստանի Հանրապետության համաձայնությունը՝ ղազախական կողմի առաջարկով արտաքին գործերի նախարարների միջև բանակցություններ վարելու երկու պետությունների միջև խաղաղության պայմանագրի նախապատրաստման շուրջ»,- նշել է նա։

Նա խորհրդանշական է անվանել Ալմաթիում բանակցություններ վարելը։

Նրա խոսքով, առաջիկա հանդիպումը կծառայի որպես ադրբեջանա-հայկական պայմանավորվածությունների գործնական իրականացում և կնպաստի Հարավային Կովկասում ամուր և երկարաժամկետ խաղաղության շուտափույթ հաստատմանը։