|
Փոխարժեքներ
16 11 2026
|
||
|---|---|---|
| USD | ⚊ | $ 360.44 |
| EUR | ⚊ | € 396.7 |
| RUB | ⚊ | ₽ 4.3693 |
| GBP | ⚊ | £ 475.35 |
| GEL | ⚊ | ₾ 138.95 |
Գերմանիայի կանցլեր Անգելա Մերկելը, Ֆրանսիայի նախագահ Էմանուել Մակրոնը և Ռուսաստանի նախագահ Վլադիմիր Պուտինը առցանց բանակցություններ են վարել, որի ընթացքում քննարկել են մի շարք հարցեր, այդ թվում՝ Դոնբասում իրավիճակի սրումը: Այս մասին հայտնում է Կրեմլի մամուլի ծառայությունը:
Զրույցի ընթացքում Պուտինն ասել է, որ իրեն անհանգստացնում է «Դոնբասում` շփման գծում, Ուկրաինայի կողմից հրահրված զինված դիմակայության սրումը», և ընդգծել, որ «Կիևի իշխանությունների կողմից նախկինում ստանձնված բոլոր պայմանավորվածությունները կատարելու կարևորությունը հասել է ամենաբարձր մակարդակին»:
Նշվում է, որ Նորմանդական քառյակի երկրների ղեկավարների քաղաքական խորհրդականները կշարունակեն միասին աշխատել վերը նշված խնդրի շուրջ:
Զրույցի ընթացքում կողմերն անդրադարձել են այնպիսի թեմաների, ինչպիսիք են կորոնավիրուսի համաճարակը, իրավիճակը Բելառուսում, Լիբիայի կարգավորումը, Սիրիայում տիրող իրավիճակը, Ռուսաստանի Դաշնության և Եվրամիության համագործակցությունը, ինչպես նաև ընդդիմության առաջնորդ Ալեքսեյ Նավալնիի ձերբակալումը: