Թուրքիան ավելի լավ է ինժեներներ ուղարկի Աֆղանստան, ոչ թե զորք. «Թալիբան»

«Թալիբան»-ի մամուլի քարտուղար Զաբիուլլահ Մոջահիդը դարձյալ անդրադարձել է Թուրքիայի կողմից Աֆղանստան զորք ուղարկելու և Քաբուլի օդանավակայանը պաշտպանելու խնդրին։

«Թուրքիան մուսուլմանական երկիր է: Թուրքերը մեր եղբայրներն ու ընկերներն են: Մենք ունենք ընդհանուր կրոն: Մենք ձգտում ենք ամուր եղբայրական հարաբերությունների թուրքերի հետ: Մենք համաձայն չենք Թուրքիայի վերջին դիրքորոշմանը Աֆղանստանում իրենց զորքերի պահպանման հարցում: Մենք կցանկանայինք, որ Թուրքիան, Էրդողանի գլխավորությամբ, ինժեներներ ուղարկեր, որ օգներ վերականգնել մեր երկիրը, օգներ մեզ պայքարել աղքատության դեմ և վերացներ մեր ժողովրդի կրած ավերածությունները», – հայտարարել է թալիբ գործիչը: