ԱՄՆ-ում զգուշացրել են, որ Չինաստանը կարող է զորք մտցնել Աֆղանստան

Աֆղանստանից ամերիկյան զորքերը դուրս բերելու ֆոնին՝ Չինաստանը սպասում է իր զինված ուժերը պատերազմական երկիր մտցնելու հնարավորությանը: Այս հայտարարությունն արել է ամերիկացի գրող, չինագետ Գորդոն Չանը Fox News-ին տված հարցազրույցում:

Չանի կարծիքով՝ Չինաստանի համար Աֆղանստանը հանելուկի կարևորագույն մասն է, որն առաջարկում է դուռ բացել դեպի Արաբական ծով (Պարսից ծոց) չինացի զինվորականների համար Իրանի կամ Պակիստանի միջոցով: Բացի դրանից՝ Աֆղանստանը կարող է ապահովել մուտքը դեպի Իրան և Մերձավոր Արևելք, ինչպես նաև երթուղի դեպի Հնդկական օվկիանոս, իսկ հետագայում՝ դեպի Աֆրիկա:

Այնուամենայնիվ, չնայած զգալի ներդրումների ներուժին, Չան կարծում է, որ Պեկինը ձախողվելու է: «Կարծում եմ՝ նրանք ավելի մեծ շանս կունենան իրենց նպատակներին հասնելու Աֆղանստանում, քան մենք: Բայց սա չի նշանակում, որ հաջողակ կլինեն: Կարծում եմ, որ դա պարզապես ավելի շատ ժամանակ կպահանջի նրանց ձախողման համար»,- ասել է ամերիկացի փորձագետը:

Չանը նշել է, որ Աֆղանստանում Չինաստանի իշխանությունները շահագրգռված են ոչ միայն այլ տարածքներ մուտք գործելու հարցում, այլև երկրի հսկայական բնական պաշարներով:

Fox News-ին տված հարցազրույցում Չանը նշել է, որ, ի վերջո, դա կարող է օգուտ չտալ ոչ թե Պեկինին, այլ Քաբուլին, քանի որ վերջինս «ավելի մեծ լծակներ կունենա չինացիների վրա, քանի որ հենց սկսվի ենթակառուցվածքների կառուցումը, պետք է պաշտպանել դրանք»: Փորձագետի կարծիքով՝ Աֆղանստանից ռեսուրսների արտահանման ծախսերն ավելի բարձր կլինեն, քան Չինաստանն է առաջարկում:

Այնուամենայնիվ, փորձագետը ճիշտ է համարել ԱՄՆ-ի որոշումը՝ զորքերը դուրս բերել Աֆղանստանից: