Էրդողանը ԽՍՀՄ-ին և ԱՄՆ-ին մեղադրել է Աֆղանստանում տիրող իրավիճակի համար

Իմպերիալիստական տերությունները խնդիր են ստեղծել Աֆղանստանում: Եվ աֆղանական ժողովուրդն իր խորաթափանցությամբ և կամքով պայքարել է իմպերիալիզմի դեմ ու դուրս եկել այս պայքարից հաղթանակած: Հետագայում կայսերական տերությունները կրկին մտան Աֆղանստան: Նրանք այնտեղ են եղել ավելի քան 20 տարի: Եվ մենք աջակցեցինք մեր աֆղան եղբայրներին՝ ի դեմս իմպերիալիզմի, և նրանց հետ շարունակեցինք մեր պայքարը՝ պաշտպանելով Քաբուլի օդանավակայանը. հայտարարել է Թուրքիայի նախագահ Ռեջեփ Թայիփ Էրդողանը:

«Միևնույն ժամանակ, թալիբները որոշ մտահոգություններ ունեն: Կարծում եմ, որ եթե «Թալիբան»-ը բանակցություններ վարեր Ամերիկայի հետ`քննարկելով այս գործընթացը, ապա, հավանաբար, Թուրքիայի հետ բանակցությունները շատ ավելի հարմարավետ կլինեին: Քանի որ հավատի մեջ մենք ոչ մի տարբերություն չունենք: Կարծում եմ, որ մենք Քաթարում բանակցությունների ընթացքում կկարողանանք նրանց հետ համաձայնության գալ»,- հավելել է Թուրքիայի ղեկավարը: