Լուկաշենկոն շտապ մեկնել է Պուտինի հետ հանդիպման

Բելառուսի և Ռուսաստանի նախագահներ Ալեքսանդր Լուկաշենկոն և Վլադիմիր Պուտինը կհանդիպեն հուլիսի 13-ին Սանկտ Պետերբուրգում: Այս մասին հայտնում է «Пул Первого» Telegram-ալիքը, որը մոտ է Բելառուսի ղեկավարի մամուլի ծառայությանը:

«Պետությունների ղեկավարները կքննարկեն տարբեր ոլորտներում համագործակցության զարգացումը, միջազգային խնդիրներ»,- ասվում է հաղորդագրության մեջ:

Իր հերթին, Կրեմլին մոտ գտնվող «Пул N3» Telegram-ալիքը նշում է, որ Պուտինի այս շաբաթվա գրաֆիկը չի ներառում որևէ հանդիպում Լուկաշենկոյի հետ: Նախորդ օրը լրագրողների հետ զրուցելիս Պեսկովը ոչինչ չէր ասել Բելառուսի նախագահի հետ բանակցությունների հնարավորության մասին: