Փոխարժեքներ
04 04 2025
|
||
---|---|---|
USD | ⚊ | $ 391.32 |
EUR | ⚊ | € 432.53 |
RUB | ⚊ | ₽ 4.6652 |
GBP | ⚊ | £ 514.27 |
GEL | ⚊ | ₾ 141.78 |
Pirveli հեռուստաալիքի օպերատորի մահվան լուրից հետո Վրաստանի վարչապետ Իրակլի Ղարիբաշվիլիի հրաժարականը պահանջող քաղաքացիական ակտիվիստների և քաղաքական գործիչների առճակատումը ոստիկանության հետ սկսվել է կիրակի օրը իշխող «Վրացական երազանք – ժողովրդավարական Վրաստան» կուսակցության գրասենյակում. հաղորդել է ՏԱՍՍ-ը:
Օրվա սկզբին ընդդիմադիր կուսակցությունների՝ «Միացյալ ազգային շարժում», «Լելոն Վրաստանի համար», «Միացյալ Վրաստան»- «Ժողովրդավարական շարժում», ղեկավարները և քաղաքացիական ակտիվիստներ սկսել էին ինքնաբուխ հավաքվել իշխող կուսակցության գրասենյակի առջև` պահանջելով կառավարության հրաժարականը` կապված օպերատոր Ալեքսանդր Լաշկարավայի մահվան հետ, որը հուլիսի 5-ին բողոքի ցույցը լուսաբանելիս ծեծի էր ենթարկվել:
Ցուցարարները փորձել են շենքի հետևից մտնել՝ իշխող կուսակցության ղեկավարության հետ խոսելու համար, սակայն ոստիկանությունը նրանց թույլ չի տվել դա անել: Ցուցարարները կարմիր ներկ են լցրել ոստիկանների վրա, որից հետո բախումներ են սկսվել: Մի քանի ակտիվիստներ վիրավորվել է: Ձերբակալվածների մասին դեռ չի հաղորդվում:
Ցուցարարները կոչ են անում իրենց կողմնակիցներին՝ հավաքվել Ռուսթավելի պողոտայում՝ կրկին պահանջելու կառավարության հրաժարականը: