Թուրքիայում հայի մահը խնդիր է առաջացրել՝ ո՞ր կրոնի արարողությամբ հուղարկավորել (լուսանկար)

Թուրքիայի՝ ծագումով հայ քաղաքացի Ֆերման Գեզի մահից հետո նրա ընտանիքի քրիստոնյա և մուսուլման անդամները չեն կողմնորոշվել՝ նրա թաղման արարողությունն անել եկեղեցո՞ւմ, թե՞ մզկիթում:

Թուրքական Haberler կայքի պնդմամբ՝ սասունցի տղամարդը 60 տարի առաջ էր մուսուլմանություն ընդունել՝ ամուսնանալով մուսուլման կնոջ հետ, իսկ կինը ամուսնությունից որոշ ժամանակ անց քրիստոնեություն էր ընդունել: Նրանք ունեցել են 11 զավակ, ընդ որում՝ 7-ը մուսուլման են, 4-ը՝ քրիստոնյա:

Սակայն հոր հուղարկավարման հարցը տարաձայնություն է առաջացել տարբեր կրոններ դավանող որդիների մոտ: Հարցին միջամտել է Ս. Մարիամ Աստվածածին եկեղեցու արքեպիսկոպոս, Պոլսի հայոց պատրիարքի փոխանորդ Արամ Աթեշյանը: Որոշում է կայացվել, որ հանգուցյալի այրին վերջնական որոշում կայացնի:

«60 տարի առաջ Գեզն ընդունել է մուսուլմանություն՝ շրջապատի ազդեցությամբ: Այժմ որոշումը կկայացնի նրա այրին»,- ասել է Աթեշյանը:

Կնոջ որոշմամբ՝ Ս. Մարիամ Աստվածածին եկեղեցում տեղի ունեցած պատարագից հետո ամուսնուն հուղարկավորել են հայկական գերեզմանատանը: