ՏԵՍԱՆՅՈՒԹ. Թբիլիսիում ցուցարարները գիշերել են խորհրդարանի շենքի մոտ՝ վրաններում

Վրաստանի խորհրդարանի մոտ բազմահազարանոց ցույց է տեղի ունեցել՝ վարչապետ Գեորգի Գախարիայի հրաժարականի, ինչպես նաև համամասնական ընտրակարգով արտահերթ ընտրությունների անցկացման պահանջով. ըստ Yerkir.am-ի՝ հայտնում է newsgeorgia.ge-ն:

Ընդդիմադիր ցուցարարներն արգելափակել են խորհրդարանի բոլոր մուտքերը, միևնույն ժամանակ՝ շենքի կողքին վրաններ դրել: Բողոքի ակցիայի մասնակիցները գիշերն անցկացրել են դրսում ու մտադրություն ունեն թույլ չտալ իշխող «Վրացական երազանք» կուսակցության պատգամավորների մուտքը խորհրդարանի շենք:

Yerkir.am-ն ավելի վաղ տեղեկացրել էր, որ Վրաստանում բողոքի ակցիաները սկսվել են այն բանից հետո, երբ իշխող կուսակցության պատգամավորները մերժեցին համամասնական ընտրակարգի անցնելու վերաբերյալ սահմանադրական փոփոխությունները: