Թբիլիսիում ԼԳԲՏ հակառակորդները գրավել են հրապարակն ու այրել ԵՄ դրոշը

ԼԳԲՏ համայնքի հարյուրավոր հակառակորդներ ներխուժել են Ռուսթավելի պողոտա՝ Թբիլիսիի խորհրդարանի շենքի մոտ, հանել ԵՄ դրոշը և այրել այն: Այս մասին երեքշաբթի հաղորդել է ՏԱՍՍ-ը:

ԵՄ դրոշի փոխարեն նրանք տեղադրել են Վրաստանի դրոշը: Ցուցարարները գրավել են խորհրդարանի հարակից հրապարակը և չեն պատրաստվում ցրվել: Լսվել են բղավոցներ: Մոբիլիզացվել են հարյուրավոր ոստիկաններ, որոնք բոլոր լրագրողներին հետ են տարել իրադարձությունների էպիկենտրոնից՝ առճակատումից խուսափելու համար:

Հիշեցնենք, որ Թբիլիսում բախումներ էին սկսվել պահպանողական–ազգայնական ուժերի և ԼԳՏԲ համայնքի միջև այն բանից հետո, երբ սեռական փոքրամասնությունները որոշել էին երթ անցկացնել։