ԱՄՆ պետդեպը Վրաստանից պահանջել է պատժել ԼԳԲՏ երթի հակառակորդներին

Միացյալ Նահանգների պետդեպարտամենտի մամուլի ծառայության ղեկավար Նեդ Փրայսն իր Twitter-ում կոչ է արել պատժել Վրաստանի մայրաքաղաք Թբիլիսիում սեռական փոքրամասնությունների երթի հակառակորդներին:

«Մենք դատապարտում ենք հուլիսի 5-ին Վրաստանում քաղաքացիական հասարակության ակտիվիստների, համայնքների ներկայացուցիչների և լրագրողների դեմ դաժան հարձակումները: Վրաստանի ղեկավարությունը և իրավապահ մարմինները պետք է պաշտպանեն կամարտահայտման և հավաքների ազատության սահմանադրական իրավունքները, ինչպես նաև պատասխանատվության ենթարկեն բռնության մասնակիցներին»,- գրել է Փրայսը:

Ավելի վաղ Թբիլիսիում 50 լրագրող վիրավորվել էր ԼԳԲՏ երթի դեմ կազմակերպված բողոքի ցույցերի ժամանակ:

Միջոցառման մասնակիցների և լրագրողների վրա հարձակումից հետո ԼԳԲՏ համայնքի կողմից կազմակերպված «Արժանապատվության երթ»-ը չեղյալ է հայտարարվել: Միջոցառման կազմակերպիչները հավելել են, որ իրենք չեն կարող վտանգել մասնակիցներին և դուրս գալ «բռնությամբ լի» փողոց։ Գեյ-շքերթը չեղարկելուց հետո Թբիլիսիի փողոցներում սկսվել են զանգվածային հանդիսությունները: