Թուրքիան և Ադրբեջանը վերաշարադրում են Հարավային Կովկասի պատմությունը. Էրդողանի խորհրդական

Թուրքիան բացահայտ հայտարարում է, որ վերաշարադրում է Հարավային Կովկասի պատմությունը, ինչպես դա արվում է հենց Թուրքիայում: Այս մասին իր Twitter-ում Էրդողանի՝ Շուշի այցից առաջ ասել է Թուրքիայի Հանրապետության նախագահի մամուլի քարտուղար ու խորհրդական Իբրահիմ Քալընը՝ խոսելով Էրդողանի՝ Ադրբեջան այցի մասին:

«ՆԱՏՕ-ի գագաթնաժողովից հետո մենք կուղևորվենք Ադրբեջանի պատմամշակութային մայրաքաղաք Շուշի: Այս այցը, որը փառաբանում է Ղարաբաղում տարած հաղթանակը, կնպաստի թուրք-ադրբեջանական հարաբերությունների հետագա զարգացմանն ու խորացմանը: Կովկասի պատմությունը վերաշարադրվում է հավատքով, վճռականությամբ և համարձակությամբ»,- գրել է Քալընը։