Հրաժարական են ներկայացրել նաև Այվազյանի տեղակալները և 6 դեսպաններ. Գաբրելյանով

Հայտնի մեդիամենեջեր Արամ Գաբրելյանովը իր աղբյուրներին հղումով մանրամասներ է ներկայացրել Հայաստանի ԱԳՆ-ում տիրող իրավիճակի մասին։

«Տեղեկատվությունը հաստատված է մի քանի աղբյուրներից։

Առաջինը ՝ նախարար Այվազյանը հրաժարական է տվել Փաշինյանի այն խոսքերից հետո, թե սահմանազատման և հողերի հանձնման վերաբերյալ դիրքորոշումը համաձայնեցված է ԱԳՆ-ի հետ։ Այվազյանը շատ կոշտ ձևով Նիկոլ Փաշինյանի հետ զրույցում ասել է, որ ազգի դավաճանի հետ չի աշխատի։ Այսօր երեկոյան հրաժարական են ներկայացրել Այվազյանի բոլոր տեղակալները։

Փաշինյանի հետ կտրականապես հրաժարվել են աշխատել նաև Հայաստանի մի քանի առանցքային դեսպաններ՝ ԱՄՆ-ում, Ֆրանսիայում, Ռուսաստանում, Եվրամիությունում, Գերմանիայում, և Ավստրիայում։ Դեսպանները հրաժարական են տվել։ Բացատրությունը մեկն է ՝ ԱԳՆ աշխատակիցները կտրականապես դեմ են սահմանազատմանը , քանի դեռ հստակ չի որոշվել Արցախի կարգավիճակը։

ԱԳՆ-ում նշում են, որ, եթե Փաշինյանը ստորագրի դավաճանական պայմանագիրը, Արցախի մասին կարելի է մոռանալ։ Իրադարձությունները արագրացրեց այն, որ Փաշինյանը որոշեց սադրանք կազմակերպել ու իր ինտրիգներում ներառել ԱՄՆ-ին ու Ֆրանսիային»,-գրում է Գաբրելյանովը։

Տես նաև՝  ՀՀ ԱԳ նախարարի պաշտոնակատար Արա Այվազյանը հրաժարականի դիմում է ներկայացրել: