Փաշինյանը պահանջել է խստորեն պատժել Սաղաթելյանին եւ ցուցարարներին. Արամ Գաբրելյանով

Փաշինյանի շրջապատից իմ աղբյուրները մանրամասներ են հայտնել դաժան սպանդի կազմակերպիչների մասին, որը փետրվարի 23-ին կազմակերպել էր ՀՀ ոստիկանությունը կառավարության շենքի դիմաց: Այս մասին իր Telegram-ում գրել է ռուս լրագրող, «Իզվեստիա» թերթի խմբագրության տնօրենների խորհրդի նախագահ Արամ Գաբրելյանովը:

«Դաշնակցականների առաջնորդ Իշխան Սաղաթելյանի այն հայտարարությունից հետո, որ վարչապետ Փաշինյանին կփակեն կառավարության շենքում, Նիկոլն իր ֆիրմային հիստերիայի մեջ է ընկել` բղավելով. «Սա իմ երկիրն է, ես եմ այստեղ ամեն ինչ որոշում, ոչ թե` երեւանցի վիժվածքների կույտը»:

Ոստիկանության ղեկավարությունը հինգ հոգանոց շտաբ է ստեղծել: Այդ հինգ ղեկավարներն ամոթալի բացահայտումների վախից հավատարմության երդում են տվել Փաշինյանին եւ խոստացել Հայաստանի ամբողջ ոստիկանությանը ստիպել վարչապետի կողքին լինել: Նիկոլը խորհրդակցությունն ավարտել է բղավոցներով, որ միայն արյունով կարելի է բոլորի վերջը տալ:

«Ցուցարարների դեմ շտաբը կազմված է հինգ բարձրաստիճան ոստիկանից` ոստիկանապետ Վահե Ղազարյան, նրա առաջին տեղակալ Արամ Հովհաննիսյան, նրա եւս մի տեղակալ Վարդան Մովսիսյան, ոստիկանության Երեւանի վարչության պետ Սեւան Քոչարյան, ներքին զորքերի պետ Հայկ Բաբայան»,- գրել է Արամ Գաբրելյանովը: