Բաքվում սկսել են չհավատալ Ալիևին. Արամ Գաբրելյանով

Հղում անելով Դաղստանում իր աղբյուրներին՝ ռուսաստանցի լրագրող Արամ Գաբրելյանովը գրում է, որ ադրբեջանցիները դժգոհ են այն փաստից, որ պատերազմից 40 օր է արդեն անցել, և վերջը դեռ չի երևում: Ժողովուրդը կասկածի տակ է դնում Ալիևի՝ հաղթելու ունակությունը. գրել է նա իր թելեգրամյան ալիքում։

«Ասում են, որ Ալիևը շտապում է եղանակի պատճառով: Ցուրտը Ղարաբաղ է եկել կիրակի օրվանից: Թուրքերն, այսպես, թե այնպես, առանձնապես կռվող չեն, բայց այստեղ ջերմության սիրահար մարդիկ պետք է կռվեն ցրտին»,- գրում է Գաբրելյանովը:

Ավելի վաղ ռուս այլ փորձագետներ նույնպես գրել էին, որ Արցախում եղանակի փոփոխությունը կարող է հայերի օգտին լինել՝ հետագա ռազմական գործողությունների կարևոր գործոն: