Բայդենը խոստովանել է, որ պատժամիջոցները չեն կանգնեցնի «Հյուսիսային հոսք-2» -ի շինարարությունը

ԱՄՆ նախագահ Ջո Բայդենը խոստովանել է, որ «Հյուսիսային հոսք-2» գազատարի դեմ պատժամիջոցները դարձել են անարդյունավետ, քանի որ դրա շինարարությունը գրեթե ավարտված է․ հայտնում է Bloomberg-ը:

«Կարծում եմ, որ այժմ պատժամիջոցներ կիրառելը մեր եվրոպական հարաբերությունների տեսանկյունից անարդյունավետ է»,- Սպիտակ տանը լրագրողներին ասել է Բայդենը:

«Հյուսիսային հոսք 2»-ի նախագծի շրջանակներում նախատեսվում է կառուցել տարեկան 55 միլիարդ խորանարդ մետր գազի ընդհանուր տարողությամբ գազատարի երկու գիծ` Ռուսաստանի Դաշնության ափերից Բալթիկ ծովի միջով դեպի Գերմանիա: ԱՄՆ-ն ակտիվորեն դեմ է այս նախագծին՝ փորձելով Եվրամիությունում իրացնել իր հեղուկացված բնական գազը: Բացի դրանից՝ նախագիծն ունի այլ հակառակորդ երկրներ, այդ թվում՝ Ուկրաինան:

Մայիսի 21-ին Միացյալ Նահանգները պատժամիջոցներ կիրառեց «Հյուսիսային հոսք-2» նախագծում ներգրավված ռուսական կազմակերպությունների և նավերի նկատմամբ: Միևնույն ժամանակ, նախագծի օպերատորի նկատմամբ ոչ մի սահմանափակում չի դրվել: Դրանից առաջ ԱՄՆ պետքարտուղարությունը հաստատեց, որ «Հյուսիսային հոսք-2»-ի նկատմամբ սահմանափակումները չեն բխում Միացյալ Նահանգների շահերից: Միևնույն ժամանակ, Սպիտակ տան խոսնակը ասաց, որ Վաշինգտոնը գիտակցում է ռուսական գազատարի շինարարության ավարտը կանխելու անհնարինությունը: