Թուրքիան պատրաստ է սկսել «Թուրքական հոսք» -ի շինարարությունը, երբ ստանա ՌԴ-ից գազամուղի կոորդինատները

Թուրքիան պատրաստ է սկսել «Թուրքական հոսք» գազատարի ցամաքային հատվածի շինարարությունը, հենց որ Ռուսաստանից ստանա դրա կոորդինատները։ Այս մասին հայտարարել է Թուրքիայի էներգետիկայի եւ բնական պաշարների նախարար Թաներ Յիլդիզը. հայտնում է РИА Новости-ն:

«Հարավային հոսքի» չեղարկումից հետո 190 կմ երկարությամբ գազատարը, որը պետք է անցներ Բուլղարիայի տարածքով, կշարունակվի Թուրքիայի տարածքով։ Մեզ անհրաժեշտէ ստանալ գազատարի անցման կոորդինատները։ Թուրքիան դիմել է Ռուսաստանին անհրաժեշտ տեղեկությունը տրամադրելու խնդրանքով։ Պատասխանը ստացել ենք, սակայն այն մի շարք կետերում լիարժեք չէր, այդ պատճառով որոշում էր կայացվել կրկնակի հայց ուղարկել առավել մանրամասն տեղեկություն ստանալու համար»,-ասել է նա: