ԱՄՆ-ը խոստովանել է, որ «Հյուսիսային հոսք-2» -ը գրեթե ավարտված է

ԱՄՆ-ը կշարունակի ընդդիմանալ «Հյուսիսային հոսք 2»-ին, բայց այն գրեթե ավարտված է. ասել է ԱՄՆ պետքարտուղար Էնթոնի Բլինքենը:

«Խողովակաշարն ավարտված է 95%-ով: Ես կցանկանայի, որ չհայտնվեինք մի իրավիճակում, երբ այն գրեթե ավարտված լիներ»,- ըստ ՌԻԱ «Նովոստի»-ի ասել է Բլինքենը Ներկայացուցիչների պալատում կայացած լսումների ժամանակ։

Բլինքենը անմիջականորեն չի արձագանքել կոնգրեսականների՝ 15 նավերի դեմ պատժամիջոցներ կիրառելու կոչերին, որոնք, նրանց կարծիքով, կապված են գազատարի շինարարության հետ:

Հիշեցնենք, որ ԱՄՆ–ն տարատեսակ պատժամիջոցներ է կիրառել «Հյուսիսային հոսք-2»–ի հետ առնչություն ունեցող ֆիզիկական և իրավաբանական անձանց նկատմամբ։