ԱՄՆ-ն լրացուցիչ պատժամիջոցներ կկիրառի «Հյուսիսային հոսք 2»-ի և «Թուրքական հոսք»-ի դեմ

ԱՄՆ իշխանությունները որոշել են լրացուցիչ սահմանափակումներ կիրառել «Հյուսիսային հոսք 2» գազատարի նախագծի նկատմամբ. այս մասին հայտարարել է ԱՄՆ պետքարտուղար Մայք Պոմպեոն:

«Սա նշանակում է անմիջապես դադարեցնել աշխատանքը, կամ վտանգում եք տհաճ հետևանքներ ունենալ», - ասել է Պոմպեոն Պետդեպարտամենտում կայացած ճեպազրույցում:

Պոմպեոն բացատրել է, որ սա CAATSA- ի շրջանակում գործող միջոց է: Դրանք վերաբերելու են «Հյուսիսային հոսք 2»-ին և «Թուրքական հոսք» նախագծի մի մասին:

Նշվում է, որ ԱՄՆ-ի վարչակազմի որոշումը նշանակում է, որ CAATSA օրենքի շրջանակներում հնարավոր կլինի պատժամիջոցներ կիրառել այն անձանց նկատմամբ, ովքեր առնվազն 1 միլիոն դոլար ներդրում են կատարում որևէ ծրագրի մեջ, կամ տրամադրել այնպիսի տեխնոլոգիաներ կամ ծառայություններ, որոնք կարևոր են ռուսական խողովակաշարերի իրականացման համար: