ԱՄՆ Սենատն առաջարկում է պատժամիջոցներ կիրառել Թուրքիայի դեմ

ԱՄՆ Դեմոկրատական կուսակցության սենատորներն առաջարկել են պատժամիջոցներ կիրառել Թուրքիայի դեմ մարդու իրավունքների խախտումների համար. հայտնում է օրինագծի հեղինակներից Էդվարդ Մարկիի մամուլի ծառայությունը:

Ըստ նրա՝ համապատասխան օրինագիծը մշակվել է Թուրքիայի վրա ճնշում գործադրելու համար՝ մարդու իրավունքների խախտման դեպքում: Սահմանափակումները պետք է ազդեն Թուրքիայի բարձրագույն պաշտոնյաների վրա, որոնք պատասխանատու են համարվում հակառակորդների քաղաքական հետապնդումների, ինչպես նաև միջազգային իրավունքի խախտումների համար:

Օրինագծի համաձայն՝ ԱՄՆ պետքարտուղարությունը պետք է օգնություն ցուցաբերի Թուրքիայի հասարակական կազմակերպություններին, որոնք պայքարում են քաղբանտարկյալների ազատ արձակման և ժողովրդավարության համար: Միևնույն ժամանակ, Թուրքիայի դեմ պատժամիջոցներ կիրառելու համար կկիրառվի, այսպես կոչված, «Մագնիտսկու օրենքը»:

Նշվում է, որ սա դեմոկրատների կողմից երրորդ օրինագիծն է՝ առաջ տանելու համար համապատասխան օրինագիծը: Նախորդ երկու փորձերը՝ 2017-ին և 2019-ին, անհաջող էին, քանի որ ԱՄՆ Սենատի տեղերի մեծ մասը Հանրապետական կուսակցությանն էր: