Կոնգրեսականները կոչ են արել Թրամփին Թուրքիայի դեմ պատժամիջոցներ կիրառել С-400-ի պատճառով

ԱՄՆ-ում մի խումբ կոնգրեսականներ կոչ են արել երկրի նախագահ Թրամփին պատժամիջոցներ սահմանել Թուրքիայի դեմ` այդ երկիր ռուսական  С-400 զենիթահրթիռային համակարգերի մատակարարման պատճառով: Նրանք կոչ են արել Թուրքիայի մասնակցությունը բացառել ամերիկյան հինգերորդ սերնդի F-35 կործանիչների վերաբերյալ ծրագրից: Այս մասին հաղորդում է РИА Новости-ն:

Թուրքիայի պաշտպանության նախարարությունը ուրբաթ օրը հայտարարել է, որ Թուրքիա մուտք են գործել С-400 ռուսական համակարգերը: Պայմանագիրը, որը նախատեսում է 4 С-400-ի մատակարարում Թուրքիային 2,5 միլիարդ դոլար գնով, կնքվել է դեռ 2017թ-ին:Այս գործարքը միջազգային սկանդալի առիթ է դարձել Թուրքիայի ու ԱՄՆ միջև: