Ըստ մեր տեղեկության՝ 2 ամսից էլ կառույցն է լուծարվելու․ նախարարության կրճատված աշխատակից

Աշխատանքից ազատվել ենք ու չգիտենք՝ ինչ հիմնավորմամբ․ լրագրողների  հետ զրույցում  նշեց կառավարության  շենքի մոտ Գեղարքունիքի մարզից  բողոքի եկած քաղաքացին։

Հիշեցենք, որ, ՀՀ էկոնոմիկայի նախարար Վահան Քերոբյանի որոշմամբ, նախարարության գյուղատնտեսական խորհրդատվության, նորարարությունների և մոնիթորինգի վարչության մարզային բաժինների 69 աշխատակից ազատվել է աշխատանքից՝ առանց հիմնավորմամբ։

«Խոսքը  ոչ միայն 69 աշխատակցի մասին  է, այլև, ըստ մեր տեղեկության, 1-2 ամսից լուծարվելու է կառույցն՝ ամբողջապես։ Մինչև վերջ պայքարելու ենք, այդ 69 աշխատակիցները բոլորն էլ գյուղի ցեխի, թրիքի միջով անցնող մարդիկ են»,- ասաց բողոքող քաղաքացին։