Թուրքամետ քաղաքականությունն է պատճառը, նախարարը հենց սկզբում է ասել, որ թուրքական շուկա պետք է մտնենք. գյուղոլորտի կրճատված աշխատակից

Գյուղատնտեսության ոլորտի վրա մենք, կարող ենք ասել, խաչ ենք քաշել։ ՀՀ-ում գյուղատնտեսությամբ զբաղվում է 30 տոկոսը։ Գյուղնախարարություն չունենք, և համակարգում է էկոնոմիկայի նախարարությունը, ու դրանով արդեն ավելի մեծ խաչ է քաշում  գյուղատնտեսության վրա։ Այս ամենը լրագրողների հետ զրույցում ասաց էկոնոմիկայի նախարարության մարզային վարչության աշխատակիցը։

Հիշեցնենք, որ Էկոնոմիկայի նախարարության գյուղատնտեսական խորհրդատվության նորարությունների և մոնիտորինգի վարչության մարզային բաժինների 69 հաստիք կրճատվում է։ Աշխատակիցները ակցիա են անում կառավարության շենքի մոտ։

«Մեզ երեկ չէ առաջին օրը գրություն է եկել, որ օպտիմալացվել ենք։ Հիմնավորումը՝ իբր մոնիտորինգ են արել, արդյունավետություն են գնահատել, դրա հիման վրա։ Թուրքամետ քաղաքականությունն է պատճառը, պարոն Վահան Քերոբյանը հենց սկզբում է ասել, որ թուրքական շուկա պետք է մտնենք»,- ասաց աշխատակիցը։