Ինչ կարծիք ունեն թուրքերը Հայոց ցեղասպանության ճանաչման վերաբերյալ

2015 թ. Edam կազմակերպությունը հարցում էր իրականացրել Թուրքիայի բնակչության շրջանում Հայոց ցեղասպանության վերաբերյալ կարծիքը պարզելու համար։

Այսպես` թուրքական հասարակության մի զգալի մասը՝ 23.5 տոկոս, ցանկանում է, որ Թուրքիայի կառավարությունը, լավագույն դեպքում, ափսոսանք հայտնի 1915 թ. Օսմանյան կայսրությունում հայերի և մի շարք այլ ազգերի՝ ներառյալ թուրքերի հետ տեղի ունեցած ողբերգական իրադարձությունների կապակցությամբ:

12 տոկոսը կարծում է, որ պետությունը պետք է ցավակցություն հայտնի, բայց ոչ ներողություն խնդրի։

Միայն 9 տոկոսն է ցանկանում, որ Թուրքիայի կառավարությունը համաձայնի ցեղասպանության մեղադրանքների հետ, իսկ մյուս 9 տոկոսը պաշտպանում է ներողություն խնդրելու գաղափարը, բայց` ոչ ավել։

Բնակչության 21 տոկոսը դեմ է ցանկացած քայլի: 25 տոկոսը ընդհանրապես գաղափար կամ տեսակետ չունի հարցի առնչությամբ։